A tradución ao galego que aquí presentamos é unha versión libre do texto orixinal que tenta achegalo á nosa realidade, a de Galicia, o país dos mil ríos e torres derruídas que nos transportan a imaxinar outros tempos nos que o pobo galego, tamén oprimido, levantouse para loitar co poder establecido.Aquí deixamos unha versión instrumental para practicar coa letra que traducimos en versión libre ao galego. A letra retrotraenos constantemente ao eterno sentimento de saudade, de morriña, que experimenta quen se atopa lonxe da súa terra, coma ao longo dos séculos e ata hoxe en día, experimentou o noso pobo vivindo a dor producida pola separación dos amigos, da familia, da terra co fenómeno da emigración. Sentires, tamén, de triste actualidade pola situación desesperada que están a sofrer preto de nós miles de refuxiados que, desubicados, desesperanzados e en míseras condicións, buscan unha oportunidade de vida digna logo de verse forzados a abandoar as súas casas, a súa historia, a súa terra...
É por todo isto a escolla desta peza que invoca ao noso pensamento para que sempre poda voar libre coma as bolboretas que inspiraron esta páxina.
Aquí podedes escoitar a nosa versión interpretada polos nenos e nenas de 1º B do Ceip Pío XII de Santiago de Compostela e un audio para traballar como karaoke.
Aquí podedes escoitar a nosa versión interpretada polos nenos e nenas de 1º B do Ceip Pío XII de Santiago de Compostela e un audio para traballar como karaoke.
PENSAMENTO de G. Verdi (Adaptación ao
galego: Adela T. Maroño)
Pensamento, voa con ás douradas
vai pousar nas praderías e cumes
onde exhala o seu suave perfume
o doce aire da nosa
terra natal.
Dalle ás veigas dos mil ríos a benvida
saúda as torres
derruídas de idades
pasadas
Miña patria tan
bela e perdida
oh, lembraza querida
e fatal!
Harpa de ouro de máxicos fados
por que muda entre os
freixos non soas
a lembranza nos peitos
resoa
que nos fala do tempo
que foi!
Cal destino dun pobo
emigrado
entoando no ar crus
queixumes,
que o alento que o
esprito che infunde
torne o teu padecer
en virtude e amor
torne o teu padecer
en virtude e amor
torne o teu padecer
en virtude e amor
en virtude e amor.
No hay comentarios:
Publicar un comentario