Celebrando o Día da Paz: "Na lareira" ("Oyfn pripetchik")

"Na lareira" é unha canción escrita por W. Warshawsky (1848-1907) que alcanzou unha inmensa popularidade entre o pobo xudeu a finais do século XIX e que, máis tarde, durante a 2ª Guerra Mundial, cantaríase como canción de resistencia. A letra fálanos da importancia da ensinanza da lectura e da transmisión do saber como parte do legado da historia do pobo e da pegada e os azos que as palabras poden deixar nas nosas vidas. 

NA LAREIRA de M. Warshawsky (adaptación ao galego: Adela T. Maroño)

No amor da lareira daquel fogar

Que se está a quecer

O alfabeto aos nenos estalle a ensinar o mestre e a ler (bis).

RETROUSO:

Debedes lembrar, nenos aprender

que se está a ensinar

que importancia ten o ler e comprender o noso ABC (bis).

Temos que ensinar,

na ledicia a ler

debemos saber

a sorte que ten quen se pode educar e aprende a aprender (bis).

Debedes saber, agora ao medrar

ides comprender

cantas bágoas hai nas letras do falar, prantos a lembrar (bis).

Se a morriña, nenos, chega a pesar

lonxe algunha vez

as palabras sempre forza hanvos de dar, verbas do querer (bis).